2022ko UDABERRIKO AUZOLANA

Aurtengo udaberriko auzolana larunbatean, apirilaren 9an,  burutuko da. Ohi den bezala, Itsason 14:30etan elkartuko gara.

Auzolanean taldeka egiteko aurreikusitako lanak hauexek dira:

• Hilerritik Ariola bidean izandako luiziagatik bidetxiorra egin eta inguruan erorita dauden egurrak Itsasora eraman, su egurra prestatzeko. 
• Goiko plazan egurra ebaki, pitzatuta jarri eta barrura sartu  
• Elizako atzeko ateari ranpa egin
• Desbrozatze lana egin, Arrobiatik Elorri txabolarainoko oinezko bidean
• Lorategiak txukundu Itsason eta Alegian
• Itsasogoeneko bidegurutzean zuhaizkak edo landareak jarri
• Alegiako erreka garbitu
• Kanpandorreko armairu bat zaharberritu

Jarraian, 20:00etan,  partaide guztiak Itsasoko Ostatuan Herriko Produktuekin egingo den afarira gonbidatuak gaude. 

Izena ematea Itsasoko Udaletxean egin behar da, honako telefono zenbakira deituta: 943477790 edo helbide elektroniko honetara mezua bidaliz udala@itsaso.eus, izan ere, aurrekoetan bezala asegurua egiteko, eta mokadutxoa zenbatentzat prestatu behar den jakiteko aurrez datuak beharko genituzke apirilaren 7rako, nahiz eta egunean bertan ere datuak jaso ahal diren.

Arduradunak materiala prestatua izango dute, baina partaide bakoitzak bere  eskularruak eramatea eskatzen da. 

Denoi eskerrak emanez, 

                                                      Itsasoko batzordea

            Itsasoko Batzordea

2022ko apirilaren 02an