Herritar estimatuok,

Dakizuen bezala azken urteetan ikaragarrizko ahalegina egiten ari gara zabor bilketa zerbitzua hobetzeko, organikoa bereizteko, birziklagunea txukun edukitzeko eta horrekin batera baita birziklatze datuak hobetzeko ere. Hori horrela bada ere, oraindik jarraitzen dute izaten erabat onartezinak diren hainbat jarrera: 

• Garbigunean lurrean poltsa asko agertzen dira noiznahi, asko eta asko batere bereiztu gabe. 
• Atea zabalik mantentzeko harri bat jarrita egoten da zenbaitetan (txartelik ez duen edonor sartzeko moduan utziz).
•  Koltxoi, altzari eta etxetresna elektrikoak ateratzeko egutegia kasu askotan ez da betetzen (hileko azken ostegun gauean atera behar dira).

Beraz honen bitartez, adierazi nahi dizuegu, egoera bideratzen ez bada, Sasieta Mankomunitatea, arau-hauslea identifikatu eta dagokion isuna jartzen hasiko dela. 

Badakigu gutxi batzuen jarrerengatik daukagula arazo hau, eta orokorrean herritarrek betetzen ditugula arauak, horregatik eskerrak emateaz gain, espero dugu denon artean egoera hobetzea. 

Jaso gure agurrik beroena,

  Itsasoko Batzordea

2022ko martxoaren 10ean