Elkarteak

Zelai-ondo elkartea

Zelai-ondo elkartea Alegia auzoan dago kokatuta, frontoiaren eta haur jolastokiaren ondoan.

1976an sortu zenetik, lehengo eskolak ziren Udal-eraikuntzan dago kokatuta erabilera ​hitzarmenaren bidez. 60 kide inguru ditu elkarte kultural eta gastronomiko honek. 

Alegia auzorako erreferentzia gune bat da, bertako dinamika sozialari eusteko eta baita festa zein beste edozein jarduera garatzerakoan eskaintzen duen laguntzagatik ere. Herritarrez gain, Ormaiztegiar eta Gabiriarrekin loturak iraunarazteko topagune ezin aproposagoa da.

Gainera, 2017an, irisgarritasuna bermatzeko proiektua gauzatu da.