Alegia auzoko frontoia
Herriko frontoia Alegia auzoan dago kokatuta.
Itsasok duen udal kirol ekipamendu estali bakarra denez, udalerrian bertan ditugun ekimenek lehentasuna izango dute eta baita herritarren jarduera fisikorako zein aisialdirako beharrak asetzeak ere, helduenak zein txikienak.
Honegatik, ikasturtez ikasturte, udalerri mailako kirol ekimenen egutegia antolatzearekin batera, pilotaleku honen ordutegi erreserben berri emango da.
Erabilera arauak
- Ordutegia:
Udal pilotalekua goizeko 8etatik gaueko 10ak arte erabil daiteke, behar bezala baimendutako ekitaldi publikoak edo txapelketak daudenean izan ezik. - Itxaronaldiak:
Pilotalekua erabili ahal izateko jendea zain balego, ordubetekoa da gehienezko epea.
Frontoiaren alokairua
[2019-20]
- Ordutegi hauek erreserbatuak geratzen dira, hurrenez hurren:
- Egunero 14:30-16:00 helduek paseatzeko
- Egunero 16:15-18:00 umeen jolasetarako
- Pilotalekua aurrez aloka daiteke kirol jardueretarako; horretarako, idatzi udala@itsaso.eus helbidera edo osatu azpian aurkituko duzun formularioa.
- Prezioa: 4€ orduko (argirik gabe)
- Pilotalekuan jolasteko orduren bat aurrez hartzen bada, gehienez hiru hilabetetarako har daiteke. Ordu arazorik egongo ez balitz, nahi izanez gero beste hiru hilabetetarako luza daiteke, eta balego berriz, zozketa egingo da interesatuen artean.
- Partikularrek erabilera pribatibo bidez modalitate desberdinetako txapelketak antolatzeko instalazioaz baliatzeak, bai federatuen aldetik bai afizionatuen aldetik, udalaren baimena beharko dute, bertan xehetasun guztiak jasoko direlarik. Mota honetako proposamenak bideratzeko, idatzi udala@itsaso.eus helbidera edo egin kontsulta Udaletxean.
- Pilotalekua kirola ez den bestelako jardueretarako edo okupaziorako erabiltzeko (antzerkiak, mitinak, kontzertuak, e.a.) udalaren baimena beharko da, eta dagokion tasa ordaindu. Mota honetako proposamenak bideratzeko, idatzi udala@itsaso.eus helbidera edo egin kontsulta Udaletxean. Indarrean dauden tasak honakoak dira:
- Mitinak (argiaren kostua aparte): 70€
- Kontzertuak, antzerkiak, e.a. (argiaren kostua aparte): 100€
Frontoia kirol jardueretako erreserbatzeko inprimakia
Formulario honen bidez frontoia erreserbatzea eska dezakezu. Ahalik eta azkarren erantzungo diogu zure eskaerari. Kontutan izan erreserba ez dela osatuko Udaleko erantzuna jaso eta dagokion tasa ordaindu arte (4€ orduko argirik gabe). Behin eskaera bideratuta, frontoiko taulan eskegiko da erreserbatutako tartea dagokion izenarekin.